تعب الاعصاب
 

هو لو مريض اعصابه تعبانه24ساعه ودايما بيصرخ ومش بيعرف ينام خالص
ومعتقد ان في شخص معين هو المتحكم في كل حياته
وبيعتقد ان الشخص ده راكب عربيه في الشارع بس بيخبط جسمه علشان يجيبله امراض
لو جاله مغص يبقي الشخص ده هو اللي جابهوله(راكب عربية وخبطه في بطنه)
لو التلفزيون باظ هو اللي بوظه
لو والدة المريض رجعلها وجعتها يقولها الشخص ده هو اللي خلاها توجعك
لو اتخبطط في الحيطه يبقي هو اللي شالها خبطها لو وقعت هو اللي وقعها
ده حتي لو في ازعاج في الشارع يبقي هو اللي محرض الناس يعملوا ازعاج علشان متعرفش ينام!!
ده غير انه معتقد ان في كاميرات مراقبه فالبيت والشخص ده بيصوره وبيتاجر في صوره
وبيعتقد ان المذيعات في التلفزيون بيتكلموا عليه شخصيا
ومؤخرا بقي بيعتقد ان الشخص ده عايز ياخد فلوسه و هدومه وكل حاجه تخصه و انه هييجي يضربها وياخد حاجتها
وبقي بيحس انه بيتحرش بيه جنسيا وبيمسك اماكن حساسه في جسمه وبيضرب في قلبة
دلوقتي رافض يروح للدكتور وبيقول حتي لو رحت الشخص ده مش هيسيبني في حالي ومش هيسمحلي اتعالج
المرض ده اسمه ايه وليه علاج ولا هيفضل كده طول عمره؟؟

السلام عليكم ورحمة الله وبركاته
هذا شكل من اشكال الوهم وهو مرض نفسي يحتاج الى العلاج بالادوية مع العلاج السلوكي وهو تعاون العائلة مع الطبيب بتوضيح المشكلة للمريض واخباره انا هذا مرض ووهم حتى يبدا بالتحسن، وننصحكم حاليا باخذه لطبيب امراض نفسية لوصف الادوية التي تناسب حالته.