السلام عليكم اثناء ركوبى لعبة العربات المتصادمة بالملاهى تعرضت لخبطة شديدة بالركبة نتيجة اندفاعى للامام و ظل الالم يومين و بعدها هدأت و الكلام ده الصيف اللى فات و من و قتها بلاحظ ان ساعات لما بعمل حركة معينة مش عارفة اوصفها بالضبط بس بحس بوجع حاد جدا فى الركبة اعلى الصابونة و الوجع بيكون لحظات و بيختفى و بعدها مش بحس بحاجة الا لما بكرر نفس الحركة و الحركة دى بتكون مثلا زى ما حصل من يومين لسه قريب كنت بنزل من على رصيف عالى شوية فنزلت برجلى السليمة و التانية المصابة كانت فوق على الرصيف فحسيت فيها بالم حاد فى الركبة كنت هصرخ منه و لحظات و اختفى الالم لكن بيكرر لما اعمل حاجة مشابهة يا ترى ايه السبب و العلاج ؟ يا ريت حد يفيدنى لأنى حاسة ان الحالة زادت و لو لازم اروح لدكتور يكون ايه التخصص ؟؟ لان مظنش ان دى اصابه عظام خالص و مش عارفة بصراحة اعمل ايه .. انا معنديش مشكلة فى الحركات العادية يعنى المشى و الجرى و طلوع و نزول السلم و الجلوس و كده مفيش اى مشاكل لكن الوجع بيقوم عليا لما بعمل حركة زى اللى وصفتها دى و شكرا ليكم