انا بنت عمري ٢٨ وطولي ١٦٢ ووزني ٦٤ قبل ٣ سنوات تقريبا كان عندي كسر في صابونة الركبة اليسرى وسوو لي تثبيت للكسر بأسلاك وشالوها بعد سنه ولاحظت انها مو ثابته وصايره تخون لما امشي مهروله وما اقدر اركض او انزل الدرج بشكل طبيعي وسويت رنين مغناطيسي ما وضح شي لكن الأعراض مستمره وقرر لي منظار وكانت النتيجة ان عندي قطع في الرباط الصليبي الامامي بشكل كامل واحتاج عمليه زراعه وغير كذا قال دكتوري اني ممكن احتاج تخريم للصابونه وهذا الشي راح يقرره وقت الجراحة فما ادري ايش معناة التخريم او وش فائدته وهل تنصحوني فيه والا ارفضه
وحاليا ما اقدر امشي لفترة طويله لاني احس بألم فضيع في الصابونه وما اقدر امشي او اضغط برجلي على الأرض من الألم واحيانا اضطر اني أستعين بأي احد جنبي اتعكز عليه ومرات اجلس وما اقدر أتحرك من فضاعة الألم مع اني الحمد لله ما عندي اي احتكاك
فما هو منظوركم العام لحالتي وعلاجها