[بسم الله الرحمن الرحيم]
السلام عليكم ورحمة الله تعالى وبركاته
طبعا انا سجلت عشان ابغى اجوبه لي اسئلتي اسئله تقريبا مر عليها سنين وانا م ادري...
ومحد فاهمني طبعا ..
انا اظن عندي مشكله نفسيه سببت اني اسيب المدرسه و خبصت حياتي
اشرح وضعي تمام يصير اللي يعرف اجوبه لي اسئلتي ؟؟؟ ايش فيا بالضبط
انا من عائله عاديه طبعا امي م تهتم و ابويا نفس الشيء طبعا اتخطيت مشكله كونهم م يحبوني الحين انا بحسن نفستي و اكون اوكيه
عندي اخواتي طبعا متقاربات من الاعمار كمان...
انا بدات احس بحساس غريب لما كنت في مرحله البلوغ وكدا لما كان عمري 13 او 14 بديت احس بخوف و ماني على بعضي وكدا
مع العلم طفولتي كلها خوف و تقوقع بسبب امي حتى ثقه بيننا ك اخوان مافي
كبرت انا و معايا خوف من الخارج واحس بدوخه و م احس بنفسي واحاسيس خيال و مو واقعيه ولا في ثقه بالنفس
طبعا زالت لي الاحاسيس لي فترة تهدا او انا اجاريها مهم م تروح مني بس تزيد بعض الاحيان لي نوبه هلع
بحيث اني مرا كنت مع اختي خرجنا رجعت من نص الطريق قلت برجع البيت وحسيت بخوف مو طبيعي وهاذا الشيء دمر
علاقتي مع اختي نهائي بحيث م صارت تثق فيا وتقولي اشبك بس م تتفهم ابدا كوني انا م احس بنفسي واحس بخوف
طبعا مررت ب مرحله عاطفيه وحب جدا فاشله بس كنت احسو ملجىء و احس لما اكلمو بالامان ونفس الوقت بالعذاب
وتناقض فضيع وتركتو ....
حاليا انا م اخرج من البيت نهائي بسبب خوفي من اصاب بحاله خوف فضيعه و م احس بنفسي واحرج
اخواتي ...
اتمنى الاقي حل او اي احد يرد على موضوعي لاني فعلا ابغى اتحسن
وابغى اكمل دراستي و اكون انسانه طبيعيه و م اكون حمل ثقيل على اخواتي
لان عمري 21 و فكرت بالانتحار اكتر من مره بس احس الحياة باقي حلوه و في امل اني اتحسن
اتمنى احد يرد على موضوعي واكون شاكره داعيه له