السلام عليكم ورحمة الله وبركاتة.

اسمى احمد عمرى 17 عام فى ثانوية عامة. منذ 5 اشهر وقعت على رأسى من الخلف اثناء لعب كرة القدم على ارض بلاط. عندما وقعت كنت مشوش جدا وغير واعى لكنى لم افقد وعيى ولم افقد الذاكره. بل اتذكر الحادثة تماما. فى ذلك اليوم لم اكن اعرف ماذا اصابنى كنت. بلغبط بالكلام واسأل السوؤال كذا مرة وكنت قلق جدا. انا من النوع الموسوس. وكنت بقول فى نفسى ان الوقعة هتأثر عليا ومش هقدر ابقى كويس فى الثانوية ومش هجيب مجموع.. الخ.. دى الافكار الى راودتنى فى ذلك اليوم. فى اليوم التالى ذهبت للطبيب قال اعمل اشعة ct وعملتها والاشعة طلعت سليمة وقالى ارتاح اسبوع وهتبقى كويس.. بصراحة انا مرتحتش غير يومين بس وبقيت اقعد على الكمبيوتر وخلافة. وابحث عن حالات مشابة لحالتى لكى اطمئن نفسى اكثر. طول مدة ال5 شهور وانا خايف ان الواقعه تكون مأثرة عليا وانا دلوقتى حاسس انى بنسى كتير والوقت بيعدى بسرعة ومش بقدر اركذ ومش فى حالتى الطبيعية ونظرتى اخلتفت فى الحياة بمعنى انى زمان لما كنت بنسى شئ مثلا كان عادي مبفكرش كتير انا ازاى نسيتو وهكذا. انما الان لا اريد ان انسى شئ وبقول لنفسى دايما انا مكنتش كدة... ومش قادر اعرف هو انا زى زمان ولا بيتهيألى ولا فعلا الوقعة مأثرة؟؟.. . ارجوكم ساعدونى انا دلوقتى مش عارف اذاكر او اعمل اى حاجه بسبب تفكيرى فى الوقعة. ما هو الحل؟! وكيف اوؤكد لنفسى انى كويس زى زمان؟
اسف على الأطالة.

اشكركم. على الرد
ممكن تقولى اواجة الافكار دى ازاى علشان اطلع من الى انا فيه؟